Grýla’ekki neitt við því fékk gert

Hagyrðingar hafa hæfileika til að leika sér að fréttum og margar snjallar vísur og limrur varpa skýrara ljósi á atburði samtímans en langar fréttaskýringar eða flóknar skýringar sérfræðinga og álitsgjafa. Einn skemmtilegari dálkur sem birtist í íslenskum fjölmiðlum er Vísnahornið í Morgunblaðinu. Halldór heitinn Blöndal sá um hornið í mörg ár en sonur hans Pétur Blöndal hefur tekið við.

Eðlilega hefur úrsögn Guðmundar Inga Kristinssonar, varaformanns og þingmanns úr Flokki fólksins, orðið hagyrðingum efniviður.

Fimmtudaginn 16. apríl birtust í Vísnahorninu meðal annars þrjár vísur um úrsögnina.

Magnúsi Halldórssyni:

Nú okkar bíður algjör neyð

og eilíft basl í skólunum.

Svo verður gamla Grýla reið,

en gefst ekki’upp á rólunum.

Friðrik Steingrímssyni í Mývatnssveit:

Gaurinn á flokkslínur gekk þvert

Grýla’ekki neitt við því fékk gert.

Var alveg að springa

út af Guðmundi Inga

Sæland, en sagði þó ekkert.

Pétur Stefánsson:

Sannfæringu sinni er trúr,

sést nú einn á brokki.

Hlaupinn er Guðmundur Ingi úr

Ingu Sælands flokki.